Poslovne vesti - Makedonija

„Скопско радлер“ - ново пиво на пазарот

„Пивара Скопје“ АД за првпат на македонскиот пазар лансира освежителен пијалак „скопско радлер“, кој претставува е уникатна мешавина од најпознатото македонско пиво и сок од лимон.

Производот е создаден за млади активни луѓе, кои се во потрага по совршено освежување.

Благодарение на широката дистрибутивна мрежа на „Пивара Скопје“ АД, „скопско радлер“ ќе биде достапно до сите македонски потрошувачи во стаклено пакување од 0,33 л., како и во лименка од 0,5 л. Новото пиво ќе се продава по исти малопродажни цени како и соодветните пакувања на „скопско“.

Поимот „радлер“ се поврзува со германскиот гастроном Франц Џавиер Kуглер, кој во 1922 година за првпат одлучил да ги помеша пивото и лимонадата, со што постигнал неверојатно ново искуство.